All Categories

ឡានប៉ុងមួយ ប៉ុងពីរ មានអត្ថន័យយ៉ាងម៉េច?

7/26/2017

0 Comments

ធ្លាប់ឮគេនិយាយអត់? ឡានប្រភេទប៉ុងមួយ ឬ ប៉ុងពីរ។ តាមពិតពាក្យនេះត្រូវបានប្រើសម្រាប់សម្គាល់ពីប្រព័ន្ធបើកបររបស់រថយន្ត។ ប្រព័ន្ធបើកបររបស់រថយន្តមានចែកចេញជា ៤ ប្រភេទ សំខាន់ៗរួមមានបើកកង់មុខ (Front-Wheel Drive), បើកកង់ក្រោយ (Rear-Wheel Drive), បើកកង់បួន (Four-Wheel Drive) និង បើកកង់ទាំងអស់ (All-Wheel Drive)។ ចំពោះរថយន្តដែលប្រើកម្លាំងកង់ពីរគេសម្គាល់ដោយពាក្យថា ប៉ុងមួយ ចំណែកឯរថយន្តប្រើកម្លាំងកង់ ៤ គេហៅថាប៉ុងពីរ។ ខាងក្រោមនេះបង្ហាញពីដំណើរការខុសគ្នានៃប្រព័ន្ធទាំង ៤ ៖
១. Front-Wheel Drive (FWD)

រថយន្តអ្នកដំណើរនាពេលបច្ចុប្បន្នភាគច្រើនប្រើប្រព័ន្ធ FWD ដោយកម្លាំងរបស់ម៉ាស៊ីនត្រូវបានតភ្ជាប់ទៅនឹងកង់ខាងមុខ។ រថយន្តប្រភេទ FWD រចនាឡើងដោយចំណាយតិចលើការផលិត, មានទំហំធំទូលាយ និង ស្រាលជាងរថយន្តប្រើប្រព័ន្ធ Rear-Wheel Drive (RWD។ មិនតែប៉ុណ្ណោះ FWD ក៏មានកម្លាំងអូសទាញប្រើជាង RWD ល្អសម្រាប់ការបើកឡើងជម្រាល ពីព្រោះទម្ងន់ម៉ាស៊ីនពឹងផ្អែកលើកង់មុខ។
២. Rear-Wheel Drive (RWD)

RWD ភាគច្រើនប្រើលើរថយន្ត Pickup និង រថយន្តដឹកទំនិញ ហើយរថយន្តប្រភេទស្ព័រ រួមទាំងពពួក Sedan ទំនើបៗកម្លាំងខ្លាំងក៏ប្រើប្រព័ន្ធនេះដែរ។ រថយន្តដែលប្រើប្រព័ន្ធនេះមានចង្កូតដែលងាយស្រួលបញ្ជាជាពិសេសលើរថយន្តកម្លាំងខ្លាំងៗ ហើយអាចទ្រាំទ្រទម្ងន់រថយន្តបានស្មើគ្នាល្អ (មុខ ៥០% និង ក្រោយ ៥០%) ដែលអាចរក្សាលំនឹងបានល្អ ល្អសម្រាប់ការដឹកឥវ៉ាន់ធ្ងន់ៗ។ យ៉ាងណាក្ដីរថយន្តប្រភេទនេះមិនអាចទ្រាំទ្របានល្អចំពោះការបើកលើផ្លូវសើម ឬ មានព្រិលធ្លាក់។
៣. Four-Wheel Drive (AWD)

4WD ឬ 4x4 ជាប្រព័ន្ធដែលប្រើស្ពឺពីរ រួមជាមួយនឹង Transfer Case មួយដើម្បីផ្ដល់កម្លាំងដល់កង់ទាំងបួននៃរថយន្ត។ ធម្មតានិយមប្រើលើរថយន្តប្រភេទ Off-Road (រថយន្តបើកលើផ្លូវពិបាក) ខ្នាតធំៗដូចជា Lexus LX 570 ជាដើម ហើយប្រព័ន្ធនេះអាចចែកចាយកម្លាំងពីម៉ាស៊ីនរថយន្តទៅកាន់កង់ទាំង ៤ បានស្មើៗគ្នា ដោយបង្ខំឲ្យកង់រថយន្តបង្វិលក្នុងពេលដូចគ្នា។ នេះជាមូលហេតុដែលធ្វើឲ្យរថយន្តពិបាកបត់បន្តិច ព្រោះកង់ខាងក្រៅត្រូវរង្វិលឲ្យលឿនជាងកង់ខាងក្នុង។ ប៉ុន្តែប្រព័ន្ធ 4WD នាពេលបច្ចុប្បន្នអាចដោះស្រាយបញ្ហានេះបាន។

ប្រព័ន្ធ 4WD លើរថយន្តទំនើបបច្ចុប្បន្នដំណើរការបានលុះត្រាតែអ្នកចុចបញ្ជាលើវា។ ប្រការនេះអាចឲ្យអ្នកប្រើប្រព័ន្ធ 4WD ពេលបើកបរលើ Off-Road និងប្រើប្រព័ន្ធ 2WD វិញពេលបើកបរលើស្ថានភាពផ្លូវធម្មតា។ ពេលប្រើ 2WD រថយន្តសន្សំសំចៃប្រេងឥន្ធនៈបានប្រសើរជាង។
**៤. All-Wheel Drive (AWD)

AWD ជាប្រព័ន្ធដែលប្រើស្ពឺ ៣ រួមមានមុខ, ក្រោយ និង កណ្ដាល ដើម្បីផ្ដល់កម្លាំងដល់កង់ទាំង ៤ របស់រថយន្ត។ គេនិយមប្រើប្រព័ន្ធនេះលើរថយន្ត SUV ខ្នាតតូចៗដូចជា Highlander, Q7 ជាដើម ហើយរចនាសម្រាប់ប្រើលើផ្លូវធម្មតា ឬ ប្រើលើផ្លូវផុកម្ដងម្កាល។ បើប្រៀបនឹង 4WD ប្រព័ន្ធ AWD នេះមានកម្លាំងទប់ខ្លាំងជាងពីរដង អាចផ្ដល់សុវត្ថិភាពបានកាន់តែខ្ពស់ក្នុងករណីត្រូវឈប់ភ្លាមៗ ឬ បត់ភ្លាមៗ។ តាមការបង្ហាញខាងលើនេះនៅពេលទិញរថយន្តអ្នកអាចសម្រេចចិត្តបានថាគួរជ្រើសរើសរថយន្តប្រភេទណាដែលត្រូវនឹងតម្រូវការបើកបរប្រចាំថ្ងៃរបស់អ្នកបានយ៉ាងត្រឹមត្រូវ៕

ប្រភព៖ DigitalTrends | Edmunds ប្រែសម្រួល៖ សុខហេង

0 Comments

Toyota បង្វែរផលិតរថយន្តអគ្គិសនីក្នុងប្រទេសចិន នាដើមឆ្នាំ ២០១៩

7/26/2017

0 Comments

យោងតាមសារព័ត៌មាន Nikkei បានឲ្យដឹងថាក្រុមហ៊ុន Toyota អាចចាប់ផ្ដើមផលិតរថយន្តអគ្គិសនីក្នុងប្រទេសចិន នាដើមឆ្នាំ ២០១៩។

ដោយឡែក កាលពីឆ្នាំ ២០១២ កន្លងទៅ Toyota ក៏ធ្លាប់ប្រកាសបង្ហាញរថយន្ត RAV4 EV ជាប្រភេទរថយន្តអគ្គិសនី SUV ដែលបំពាក់នូវថ្ម Lithium-ion ដែលទិញពី Teslaប៉ុន្តែលក់ដាច់បានត្រឹម ២,៥០០ គ្រឿងប៉ុណ្ណោះ រហូតធ្វើឲ្យក្រុមហ៊ុនជប៉ុនមួយនេះ បានផ្អាកការផលិតចោលមួយរយៈ។ យ៉ាងណាមិញរថយន្តដែលត្រៀមផលិតសារជាថ្មីនោះ អាចមានលក់តែក្នុងប្រទេសចិន ហើយមានចំនួនកំណត់ថែមទៀតផង។

ទន្ទឹមនឹងប្រទេសចិន ក៏ដូចទីផ្សារដទៃ កំពុងអនុវត្តលើច្បាប់តឹងតែងផ្នែកបរិស្ថាន ប្រជាជនចិនក៏បានស្នើឲ្យក្រុមហ៊ុនផលិតរថយន្តធំៗ គួរប្រាកដថានឹងផលិតតែរថយន្តអគ្គិសនី ជាមួយរថយន្ត Hybrid តែប៉ុណ្ណោះ។ អ្នកនាំពាក្យក្រុមហ៊ុន Toyota លោក Ryo Sakai បានប្រាប់ឲ្យដឹងថា ក្រុមហ៊ុនយើងកំពុងស្ថិតក្នុងគម្រោងត្រៀមបង្ហាញរថយន្ត EVs នៅប្រទេសចិននាប៉ុន្មានឆ្នាំបន្ទាប់។

រំលឹកថាកន្លងទៅ Toyota ក៏បានសម្លឹងពីគម្រោងរថយន្តហោះលើអាកាស ដែលក្រុមហ៊ុនបានវិនិយោគប្រមាណ ៤០ លានយេន (៣៥២,៩៨២ ដុល្លារ) លើគម្រោង Skydrive ដែលដឹកនាំដោយក្រុម Cartivator។ ក្រោយសិក្សាចប់ ពួកគេអាចនឹងបង្ហាញរថយន្តនោះក្នុងព្រឹត្តិការណ៍កីឡាអូឡាំពិករដូវក្ដៅ ក្នុងទីក្រុងតូក្យូ នាឆ្នាំ ២០២០៕

0 Comments

June 18th, 2016

6/18/2016

0 Comments

FORD នាំមុខក្នុងវិស័យផលិតរថយន្តរយៈពេល១១៣ឆ្នាំ

ពុធ សប្តាហ៍មុន ម៉ោង 14:47ក្រុមហ៊ុន ហ្វដ ម៉ូទ័រ (Ford Motor Company) និងក្រុមហ៊ុនដៃគូសហការ អ អិម អេ ខេមបូឌា (RMA Cambodia) បានប្រារព្ធកម្មវិធីកេរដំណែលរបស់ហ្វដ ក្នុងអំឡុងខែមិថុនា ដែលឆ្នាំនេះគឺជាខួបគម្រប់ ១១៣ឆ្នាំក្នុងការបង្កើតក្រុមហ៊ុន Ford។

លោក David Westerman អគ្គនាយកនៃក្រុមហ៊ុន Ford ប្រចាំតំបន់អាស៊ីប៉ាស៊ីហ្វិក ថ្លែងថា “យើងមានមោទនភាពយ៉ាងក្រៃលែងក្នុងការប្រារព្ធឲ្យមានកម្មវិធីកេរដំណែលរបស់ក្រុមហ៊ុន Ford នេះឡើង ហើយយើងសូមកោតសរសើរយ៉ាងស្មោះចំពោះគុណូបការៈយ៉ាងធំដែលក្រុមហ៊ុន Ford បានខិតខំកសាងឡើងសម្រាប់បម្រើក្នុងវិស័យយានយន្ត ចាប់តាំងពីការកកើតដំបូង។ កម្មវិធីកេរដំណែលរបស់ Ford នៅកម្ពុជា មិនមែនគ្រាន់តែជាកម្មវិធីអំពីប្រវត្តិសាស្ត្ររបស់ក្រុមហ៊ុន Ford នោះទេ វាក៏ជាចំណែកមួយនៃអតិថិជនដែលតែងតែប្រើប្រាស់ និងគាំទ្រក្រុមហ៊ុន Ford កន្លងមកផងដែរ”។

ក្រុមហ៊ុន អ អិម អេ ខេមបូឌា ដែលជាតំណាងចែកចាយរថយន្ត Ford នៅកម្ពុជា បានដាក់ចេញជាកម្មវិធីពិសេសសម្រាប់រាល់ការបញ្ជាទិញនូវរថយន្តប្រភេទ Ford Mustang 2016 នឹងទទួលបានការផ្ដល់ជូននូវតម្លៃពិសេស។ ការផ្តល់ជូននេះនឹងចាប់ផ្តើមពីថ្ងៃនេះរហូតដល់ថ្ងៃទី៣០ ខែមិថុនា នេះ។

កម្មវិធីកេរដំណែលនៃការប្រណាំងរថយន្តរបស់ Ford

កម្មវិធីកេរដំណែលរបស់ Ford បានចាប់ផ្ដើមដំបូងតាំងពីឆ្នាំ១៩០១ មុនពេលចាប់ផ្តើមនៃក្រុមហ៊ុន Ford Motor Company ក្នុងឆ្នាំ១៩០៣។ លោក Henry Ford ស្ថាបនិកក្រុមហ៊ុន Ford ថា ការប្រណាំងឡានអាចទាក់ទាញចំណាប់អារម្មណ៍សាធារណជនខ្លាំង លោកក៏បានឆ្លៀតឱកាសនោះចូលរួមការប្រកួតដោយប្រើរថយន្ត Sweepstake ដែលមានកម្លាំង ២៦ សេះ ប្រកួតជាមួយនឹងលោក Alexander Winton កីឡាករប្រណាំងរថយន្តដែលមានប្រជាប្រិយភាពបំផុតកាលពីឆ្នាំនោះ។ ការប្រកួតប្រជែងនេះបានធ្វើឡើងនៅរដ្ឋ Detroit និងមានសាធារណជនចូលរួមជាង ៨០០០ នាក់ ហើយលោក Henry ក៏បានឈ្នះ ដោយទទួលបានប្រាក់រង្វាន់ ១០០០ដុល្លារ។ ដោយសារប្រាក់រង្វាន់ដែលលោកទទួលបាន រួមបញ្ចូលគ្នាជាមួយនឹងការគាំទ្រផ្នែកហិរញ្ញវត្ថុពីវិនិយោគិន ប៉ុន្មានឆ្នាំក្រោយមកគាត់ក៏បានបង្កើតក្រុមហ៊ុនមួយដែលមានឈ្មោះថា Ford Motor Company។

Sweepstake

ចាប់តាំងពីប្រវត្តិសាស្ត្រនៃការប្រណាំងរថយន្តដំបូងរហូតដល់បច្ចុប្បន្ន ក្រុមហ៊ុន Ford បានបង្កើតរថយន្តប្រណាំងប៉ុន្មានប្រភេទ រាប់តាំងពីរថយន្ត Ford Mustang រហូតដល់រថយន្ត Ford GT ដែលមានអានុភាពខ្លាំងក្លាលើសពី Ford Mustang ធម្មតា។ Ford GT បានត្រឡប់មកវិញនៅក្នុងឆ្នាំនេះជាមួយនឹង៤ម៉ូដែលខុសគ្នា និងជាប់ឈ្មោះក្នុងបញ្ជីនៃការប្រណាំងរថយន្ត Le Mans ២៤ ម៉ោង សម្រាប់ឆ្នាំ២០១៦ ដែលប្រព្រឹត្តទៅនៅថ្ងៃទី១៨-១៩ ខែមិថុនា។

លោក Henry Ford

រថយន្ត Ford នៅក្នុងទីផ្សារកម្ពុជា

វត្តមានរបស់ Ford នៅលើទីផ្សារកម្ពុជាអស់រយៈកាលជាង៣០ឆ្នាំកន្លងមកនេះ ធ្វើឲ្យប្រជាជនកម្ពុជាស្ទើរតែទាំងអស់បានដឹងច្បាស់ពីគុណភាពរបស់រថយន្តប្រភេទនេះ ពោលគឺផ្តោតទៅលើសុវត្ថិភាព ការច្នៃប្រឌិត និងការសន្សំសំចៃខ្ពស់ជាមួយនឹងការបើកបរលើគ្រប់ស្ថានភាពផ្លូវ។

បច្ចុប្បន្ន ក្រុមហ៊ុន អ អិម អេ តំណាងចែកចាយរថយន្ត Ford មានលក់រថយន្តម៉ូដែល Ford Mustang, Explorer, Everest, Fiesta, Focus, Ecosport, F-150, Transit និង Ford Ranger។ ក្រុមហ៊ុនក៏បានបង្កើតឲ្យមានមជ្ឈមណ្ឌលជួសជុលរថយន្ត Ford (សាខាមុនីវង្ស) មជ្ឈមណ្ឌលជួសជុលរថយន្ត Quick Lane (សាខាទឹកថ្លា) យានដ្ឋានជួសជុលរថយន្តគ្រប់ប្រភេទ (ខេត្តសៀមរាប) និងហាងលក់គ្រឿងបន្លាស់ចំនួន២ ទីតាំងទៀតក្នុងរាជធានីភ្នំពេញ ដើម្បីផ្តល់ភាពងាយស្រួលជូនដល់អតិថិជនក្នុងការស្វែងរកសេវាជួសជុល និងថែទាំរថយន្ត និងគ្រឿងបន្លាស់ដែលមានគុណភាពសុទ្ធល្អ។

លោក សេង វឹង នាយកគ្រប់គ្រងផ្នែករថយន្ត Ford នៃក្រុមហ៊ុន អ អិម អេ ខេមបូឌា ថ្លែងថា “យើងពិតជាមានមោនភាពក្រៃលែងចំពោះទំនាក់ទំនងដ៏ជិតស្និទ្ធដែលយើងមានជាមួយបុគ្គលិក ដៃគូផ្គត់ផ្គង់ និងអតិថិជនរបស់យើង។ គ្មានទីណាដែលអាចផ្តល់នូវអារម្មណ៍នៃភាពស្និទ្ធស្នាលខ្លាំង ដូចនៅក្នុងគ្រួសារ Ford របស់យើងនោះទេ។ ជាមួយនឹងកម្មវិធីកេរដំណែលរបស់ Ford និងកម្មវិធីកេរដំណែលនៃការប្រណាំងរថយន្ត យើងនឹងមានការផ្តល់ជូនពិសេសក្នុងអំឡុងពេលនេះផងដែរ”។

សម្រាប់ព័ត៌មានបន្ថែម សូមទាក់ទងលេខ 012 333 975 (ភ្នំពេញ) ឬ 063 766 661 (សៀមរាប) ឬ ចូលទំព័រហ្វេសប៊ុកwww.facebook.com/RMAFordCambodia ៕

0 Comments

ឡានប៉ុងមួយ ប៉ុងពីរ មានអត្ថន័យយ៉ាងម៉េច?

Toyota បង្វែរផលិតរថយន្តអគ្គិសនីក្នុងប្រទេសចិន នាដើមឆ្នាំ ២០១៩

June 18th, 2016

Author

Archives

Categories

ឡាន​ប៉ុង​មួយ ​ប៉ុង​ពីរ​ មាន​អត្ថន័យ​យ៉ាង​ម៉េច?​​​​​​

Toyota​ ​បង្វែរ​​ផលិត​រថយន្ត​អគ្គិសនី​ក្នុង​ប្រទេស​ចិន​ ​នា​ដើម​ឆ្នាំ ២០១៩

June 18th, 2016

Author

Archives

Categories

ឡានប៉ុងមួយ ប៉ុងពីរ មានអត្ថន័យយ៉ាងម៉េច?

Toyota បង្វែរផលិតរថយន្តអគ្គិសនីក្នុងប្រទេសចិន នាដើមឆ្នាំ ២០១៩